Kryefaqja / LSHB / Veliu reagon: Mali i Zi nuk është shtet demokratik e as europian, por mbeturinë jugosllave

Veliu reagon: Mali i Zi nuk është shtet demokratik e as europian, por mbeturinë jugosllave

Mali i Zi, ky shtet agresor e pushtues i Shqipërisë Veri-Perëndimore edhe sot e kësaj dite shkel të drejtat themelore dhe kombëtare të shqiptarëve autokton. Dhunimi sistematik i shqiptarëve nën Mal të Zi dëshmon se ky shtet nuk është shtet demokratik e as europian, por mbeturinë jugosllave e Millosheviqit.

Thirrja e fundit nga Ministria e Punëve të Brendshme e Malit të Zi për Shpetim Osmanin nga Ulqini, në bisedë informative për gjoja “shkelje të rendit publik”, përkatësisht shpalosjes së flamurit kombëtar shqiptar në stadiumin ku u zhvillua ndeshja e futbollit Otrant – Ibër dhe vendimi i nisjes së procedurës disiplinore nga Federata e Futbollit Malazez kundër klubit Otrant Olimpik nga Ulqini, për shkak të shpalosjes së flamurit shqiptar në shkallët e stadiumit tregon qartë se shteti pushtues malazez, i ngritur mbi kurrizin e trojeve shqiptare vazhdon me avazin e vjetër të dhunimit sistematik të shqiptarëve autokton.

Ky shtet barbar ka kufizuar përdorimin e flamurit kombëtar shqiptar, ky shtet “pseudo-demokratik” nuk garanton arsmimim në gjuhën shqipe në bazë të konventave ndërkombëtare, nuk lejon përdorimin e teksteve shkollore nga Shqipëria dhe Kosova, vazhdon me politikat e Millosheviqit për kolonializimin e trojeve shqiptare nën Mal të Zi, përmes të cilave tenton ndryshimin e strukturës etnike të territoreve shqiptare nën Mal të Zi, ashtu sikurse nuk garanton mandate të rezervuara për shqiptarët, si popull i vetëm autokton në Mal të Zi.

Mali i Zi dhe të gjitha shtetet tjera fqinje, pushtuese të trojeve shqiptare duhet ta kenë parasysh se mohimi dhe kufizimi i përdorimit të flamurit kombëtar shqiptar ishte shkak për thyerjen e shumë perandorive, mbretërive dhe krijesave artificiale pushtuese.

Tahir Veliu

Kryetar i Lëvizjes për Shqipëri të Bashkuar

Check Also

“Skënderbeu” me Gardë Nderi në Prishtinë, do ta marrë përsipër Lëvizja për Shqipëri të Bashkuar

Kryeheroi ynë kombëtar Gjergj Kastriot Skënderbeu, tashmë do të nderohet me një Gardë Nderi në …

Leave a Reply