Kryefaqja / LSHB / Veliu i kundërpërgjigjet Hahn-it: Shqipëria e Bashkuar është ofertë paqësore

Veliu i kundërpërgjigjet Hahn-it: Shqipëria e Bashkuar është ofertë paqësore

Kundërpërgjigje ndaj Bizmarkut të kohëve moderne, z. Johannes Hahn, komisar i BE-së për Negociata e Zgjerim

Shqipëria e Bashkuar është e drejtë e pamohueshme, e patjetërsueshme, projekt europianist, në shërbim të paqes, dhe në përputhje të plotë me të gjitha normat dhe parimet e së drejtës ndërkombëtare.

Komisari i BE-së për Negociata e Zgjerimi, z. Johannes Hahn para se të deklarohesh kundër vullnetit të shqiptarëve dhe të supozosh se çfarë është e rrezikshëm, e parëndësishme, e papranueshme dhe të pretendosh të na tregosh prespektivën e Shqipërisë, fillimisht deklarohu kundër projekteve ekspansioniste serbo-greke; projektit pansllavist serb “Nacertanije”, i hartuar nga ministri i jashtëm serb Ilija Garashanini në vitin 1844 dhe projektit ekspansionist grek “Megali Idea” (“Megali Idhea” – “Ideja e Madhe”), i hartuar nga kryeministri grek Jani Koleti në vitin 1844. Këto projekte ekspansioniste serbo-greke në aleancë dhe bashkëpunim me Turqinë, shkaktuan gjenocid ndaj kombit autokton shqiptar. 

Lëvizja për Shqipëri të Bashkuar kërkon që në kuadër të Dekadës së Tretë Ndërkombëtare për Çrrënjosjen e Kolonializmit (2011-2020), Asambleja e Përgjithshme e OKB- së të shpallë një Konferencë Londër 2, ku duhet të anulohen vendimet e mëparshme antishqiptare, të njihet e drejta e kombit shqiptar për dekolonizim dhe të respektohet e drejtë për vetëvendosje e shprehur më 28 nëntor 1912.

Jetësimi i Shqipërisë së Bashkuar në këtë aspekt, do të thotë që kjo pjesë e Europës të mos jetë më fuçi baruti, siç ka qenë që nga padrejtësia e 1913- ës. Shqipëria e Bashkuar nuk është kundër askujt, por është për të mirën e të gjithve. Aspirata e vendeve të rajonit për integrim në Bashkimin Europian, na dikton miqësi me fqinjtë, gjithnjë duke respektuar barazinë e plotë dhe të drejtat e gjithsecilit për vetëvendosje, dhe kurrsesi të gjunjëzuar.

Tahir Veliu

Lëvizja për Shqipëri të Bashkuar

Check Also

“Skënderbeu” me Gardë Nderi në Prishtinë, do ta marrë përsipër Lëvizja për Shqipëri të Bashkuar

Kryeheroi ynë kombëtar Gjergj Kastriot Skënderbeu, tashmë do të nderohet me një Gardë Nderi në …