Kryefaqja / LSHB / Bashkimi i shqiptarëve përballë eurokolonializmit antishqiptar të BE-së

Bashkimi i shqiptarëve përballë eurokolonializmit antishqiptar të BE-së

Meqenëse, Bashkimi Europian është duke zbatuar politikë të njëanshme dhe duke përdorur standarde të dyfishta në raport me shqiptarët, që si pasojë e kësaj politike antishqiptare, Kosova ka ngelur vendi më i izoluar në Europe dhe për të dalur nga kjo gjendje e mjerueshme është më së e domosdoshme, që dy shtetet shqiptare të angazhohen seriozisht rreth një strategjije të re politike mbarëkombëtare dhe të qëndrueshme me SHBA-në, si domosdoshmëri e kohës, përball mospërfilljes nga Bashkimi Europian.

Përfundimisht, duhet kuptuar qartë se projektet ekspansioniste serbo-greke; projekti pansllavist serb “Nacertanije”, i hartuar nga ministri i jashtëm serb Ilija Garashanini në vitin 1844 dhe projekti ekspansionist grek “Megali Idea” (“Megali Idhea” – “Ideja e Madhe”), i hartuar nga kryeministri grek Jani Koleti në vitin 1844, në aleancë dhe bashkëpunim me Turqinë dhe Fuqitë e Mëdha, që shkaktuan gjenocid ndaj kombit autokton shqiptar duhet të varrosen njëherë e mirë dhe se kjo arrihet vetëm përmes jetësimit të projektit demokratik dhe europianist të ribashkimit në një shtet të vetëm kombëtar shqiptar – Shqipëri të Bashkuar. Ky projekt realizohet vetëm nepërmjet rrugës Tiranë – Washington, dhe kurrsesi jo, nepërmjet rrugës së nënshtrimit, përbuzjes dhe eurokolonializmit modern Tiranë – Athinë – Bruksel dhe Prishtinë Beograd – Bruksel.

Përfundimisht, dy shtetet shqiptarë kanë për detyrë zhbërjen e vendimeve të turpshme dhe arbitrare të Fuqive të Mëdha të datës 22 mars të vitit 1913 për copëtimin e Shqipërisë. Udhëheqësit dhe pushtetarët shqiptarë duhet të angazhohen, që nëpërmjet referendumit demokratik dhe njësimit institucional e shtetëror, me forma paqësore Republika e Shqipërisë dhe Republika e Kosovës të ribashkohen në një shtet kombëtar, si pjesë e procesit demokratik të jetësimit të Shqipërisë së Bashkuar. Nësë, dy shtetet shqiptare vazhdojnë të shpërfillin vullnetin e popullit shqiptar për ribashkim kombëtar, dhe dështojnë të angazhohen seriozisht rreth një politike dhe një qëndrimi të vetëm e të përbashkët zyrtar, atëherë shqiptarët e bashkuar do të vazhdojnë këtë proces të pashmangshëm. Koha nuk pret, shqiptarët nuk presin, sot është koha e Shqipërisë së Bashkuar.

Tahir Veliu

Kryetar i Lëvizjes për Shqipëri të Bashkuar

Check Also

Historiani Xhufi tregon skandalin me varrezat greke në Shqipëri: U mbushën me eshtra të kafshëve dhe…

Historiani Pëllumb Xhufi ka treguar live nje skandal që ka ndodhur me varrezat greke në …

Leave a Reply