Kryefaqja / LSHB / Flamuri shqiptar në Prishtinë u ul me direktiva nga Beogradi

Flamuri shqiptar në Prishtinë u ul me direktiva nga Beogradi

Nga Tahir Veliu

Fakti, që këshilltar politik i kryeministrit të Republikës së Shqipërisë Veriore (Kosovës), Ramush Haradinaj është antishqiptari Halil Matoshi tregon qartë për gjendjen e mjerueshme politike në këtë pjesë të trojeve tona.

Ulja e flamurit kombëtar shqiptar dhe zëvendësimi i tij me atë të imponuar shtetëror në hyrje të Prishtinës do të mbahet mend si “vepra” më e ultë e qarqeve antishqiptare me direktiva nga Beogradi shovinist.

Tendenca e krijimit të kombit “kosovar” është tendencë për tjetërsimin e shqiptarëve dhe mbi këtë bazë është devijim i aspiratës shekullore për bashkim kombëtar të shqiptarëve, aspiratë kjo e sanksionuar edhe në betimin e ushtarëve të Ushtrisë Çlirimtare të Kosovës.

Përpjekjet e vazhdueshme të qarqeve të ndryshme të mirë financuara, për krijimin e një identiteti të ri “kosovar” janë vazhdimësi e projekteve pansllaviste për asimilimin e shqiptarëve. Këto projekte shoviniste, populli shqiptar i Kosovës vazhdimisht i ka kundërshtuar, luftuar dhe i ka hedhur në koshin e plehrave, prandaj edhe ju do të dështoni, ashtu siç kanë dështuar të gjitha projektet shoviniste të armiqve të jashtëm.

Shpallja e Pavarësisë së Republikës së Kosovës, si fazë e përkohshme është në synim të qëllimit përfundimtar për Shqipëri të Bashkuar. Kosova është dhe përjetësisht do të jetë Shqipëri. Kushdo që ka guximin të deklaroi ndryshe, drejtëpërdrejtë i shërben qarqeve shoviniste serbe dhe parullës së tyre tashmë të gërrditshme se kinse “Kosova është Serbi”. Deshqiptarizimi dhe mohimi i identitetit shqiptar të Kosovës më së miri i shërben politikës shekullore serbe.

Check Also

Greqia braktis në heshtje bisedimet me Shqipërinë, pritet vetoja greke në qershor

Nga Arben Llalla Në fund të muajt mars, Greqia braktisi në heshtje bisedimet me Shqipërinë …

Leave a Reply