Kryefaqja / LAJME / HISTORIKE/ HAPET SHKOLLA E PARË SHQIPE NË KRETË, VARGJET E NAIM FRASHËRIT MAGJEPSIN KËDO

HISTORIKE/ HAPET SHKOLLA E PARË SHQIPE NË KRETË, VARGJET E NAIM FRASHËRIT MAGJEPSIN KËDO

Gjuha jonë sa e mirë! Sa e ëmbël, sa e gjerë! Sa e lehtë, sa e lirë! Sa e bukur, sa e vlerë!

Të duash gjuhën tënde nuk është vetëm një mbrojtje e kulturës së vlerave të popullit tënd, por një respekt për identitetin e prejardhjes tënde ndër breza. U bë një kohë e gjatë që shqiptarët e diasporës “luftojnë” me mish e me shpirtë për të ruajtur gjallë vlerat e trashëgimisë së popullit tyre, e kjo gjë ka ndodhur e vijon të ndodhë akoma në shtetin helen.

Mjafton një përpjekje e vogël e një personi, për të bërë më pas që dhjetra fëmijë shqiptarë të lindur në shtetin grek të fillojnë të mësojnë një nga një gërmat e gjuhës së mëmësisë.

Një situatë e tillë, ndodhi sot, në Palaiochora, qytet i vogël në Chania të Kretës,  ku dashuria për shqipen e një patrioti shqiptar bëri që sot më shumë se njëzet fëmijë të ulen në bankat e shkollës për të mësuar gjuhën shqipe.

Në çdo bashki të shtetit helen ndodhet edhe këshilli i emigrantëve, të cilët zakonisht trasmetojnë tek autoritetet problematikat me të cilat hasen çdo ditë emigrantët e kujdo lloj komuniteti që jeton dhe zhvillon aktivitetin në këtë vend. Konkretisht, pala shqiptare paraqiti në organin kërkesën e domosdoshme për një shkollë shqipe, ku fëmijët e tyre të shkonin të mësonin gjuhën mëmë.

 

Sakaq, Keshilli Bashkiak i Emigracionit  vendosi që t’i jepte një ambjent për të marrë mësime komunitetit shqiptar, që jeton në këtë zonë.

Pikërisht, pas kësaj shkolla shqipe u bë e “gjallë”, tashmë fëmijët çdo ditë të shtune do të shkojnë të ndjekin mësimin e shumdëshiruar.

Ceremonia e hapjes së shkollës u mbajt sot, ku të pranishëm ishin zëvendës ambasadori shqiptar dhe krerë të këshillit bashkiak të zonës.

Zëvendës ambasadori shqiptar theksoi se e vlerëson jashtëzakonisht iniciativën e mirë e autoriteteve helene, dhe se është krenar për bëma të tilla. Sipas tij, është e domosdoshme që këta fëmijë të mësojnë ashtu siç duhet gjuhën mëmë.

Sakaq, antari tjetër shqiptar Sokol Ozuni, i cili qe dhe iniciuesi i kësaj nisme, bëri me dije se ishte dëshira e madhe e prindërve që sot kjo ditë të bëheshe realitet për të gjithë.

Ai u shpreh për ne se:

“Në kohërat kur jetojmë mund të duket paksa paradoksale se ekzistojnë akoma ata njerëz që dëshirojnë të mësojnë gjuhën e tyre. Po, është mëse e vërtetë se mijëra shqiptarë jetojnë në Greqi dhe nuk arrijnë ta trasmetojnë gjuhën e tyre tek fëmijët, jo se nuk kanë dëshirë, por se nuk kanë mundësi. Nuk është gjithmonë e vërtetë se shqiptarët, e fshehin origjinën e tyre dhe tashmë kërkojnë të jenë dikush tjetër.

Koha kur ata luftonin për identitetin e tyre ka mbaruar, ata tashmë kërkojnë t’i japin vlerën që meriton vetes dhe fëmijëve të tyre, madje tashmë ata kërkojnë me ngulm të mësojnë dhe ta trasmetojne atë në breza. Vargjet e poetit të madh, Naim Frashëri magjepsën këdo që ishin në sallë, sot. Ishte madhështore”

“Njëzet e pesë fëmijë janë të regjistruar në shkollën në fjalë, ndërkohë që mësimi sapo ka filluar. Mendohet se javën e ardhshme, kjo shifër mund të shkojë në 60 fëmijë.” – shprehet Sokoli.

Pas kërkesës në Këshillin Bashkiak, Sokol Ozuni do të punojë në mënyrë vullnetare me prindërit e zonës, që të regjistrohen sa më shumë fëmijë shqiptarë.

PËRSHTATI: Xhildinho Ozuni – NDIHMOI: Sokol Ozuni (Palaiochora) |www.shqiperiaebashkuar.al|

 

Loading...
Loading...

Shiko poashtu

“Gjykata Speciale do ti thërrasë Kadri Veselin, Xhavit Halitin, Fatmir Limajn, Azem Sylën e Rexhep Selimin”

Kreu i PDK’së, Kadri Veseli, lideri i NSIMA’së Fatmir Limaj, Agim Çeku, Azem Syla, Xhavit …

Leave a Reply

Loading...