Kryefaqja / LAJME / Rikthehen kontrollet e dyfishta në kufirin Shqipëri – Kosovë

Rikthehen kontrollet e dyfishta në kufirin Shqipëri – Kosovë

Janë rikthyer kontrollet e dyfishta në kufirin Shqipëri-Kosovë, në pikë-kalimin kufitar kryesor Morin-Vërmicë.

Por ndryshe nga tre vjet më parë, kësaj radhe është Shqipëria që në mënyrë të njëanshme ka vendosur kontrollin e dyfishtë, ndërkohë që në pjesën e Kosovës kontrollet vazhdojnë si më parë, vetëm në hyrje të këtij shteti.

Përgjegjësi i turnit në pikë-kalimin kufitar të Morinit ka bërë të ditur se rikthimi i kontrolleve të dyfishta në kufi me Kosovën është bërë pas një urdhri të Drejtorisë së Policisë së Shtetit të Shqipërisë, por pa dhënë detaje se çfarë përmban ai.

Në interesimin e “Kohës Ditore” për arsyet e rikthimit të kontrolleve të dyfishta, drejtori i kufirit dhe migracionit për Kukësin, Ferdinad Gjeta, i është përgjigjur përmes zëdhënëses së Drejtorisë së Policisë së Qarkut Kukës, Diana Deda.

Por arsyeja e vërtetë e rivendosjes së kontrolleve të dyfishta është emigracioni i paligjshëm i shtetasve të Shqipërisë. Burime të policisë kufitare dhe atyre doganore në Morin të Kukësit kanë bërë të ditur për “Kohën Ditore” se frenimi i azilkërkuesve nga Shqipëria drejt vendeve të BE-së është emergjencë kombëtare, pasi BE-ja i ka vënë si kusht kryesor Shqipërisë frenimin e azilkërkuesve për hapjen e negociatave në qershor të vitit të ardhshëm.

Loading...
Loading...

Shiko poashtu

Kryeministri kanadez: Rusia nuk është e mirëpritur në G7

Kanada nuk e mbështet kthimin e Rusisë në Samitin e G7, , të propozuar nga …

Loading...