Kryefaqja / LAJME / Rikandidimi i osmanliut Tërnava në krye të BIK’ut, reagon sindikata e organizatës

Rikandidimi i osmanliut Tërnava në krye të BIK’ut, reagon sindikata e organizatës

Sindikata e Bashkësisë Islame të Kosovës ka reaguar rreth atij që ai e ka quajtur “avaz i njëjtë i Kryesisë së BIK’ut rreth zgjedhjeve të radhës” në këtë institucion fetar.

Sindikata e BIK’ut ka lëshuar një deklaratë për opinion, duke thënë se nga tereni ka marrë lajme se “edhe në këto të ashtuquajtura ‘zgjedhje’ të BIK -së është mbyllur dera e kandidimit të ndonjë personi tjetër përveç të vetquajturit dhe të vet emëruarit myftiut aktual”.

Kjo sindikatë ka akuzuar myftiun aktual, Naim Tërnava, për shkelje të kushtetutës-statutit të brendshëm, të cilin, sipas saj, ai e kishte ndryshuar padrejtësisht më 2013.

Zyrtarë të këtij institucioni fetar kanë deklaruar për Gazetën Express dhe Televizionin T7 se aktualisht kundër Tërnavës nuk ka ndonjë kundërkandidat.

Deklarata e plotë e Sindikatës së BIK’ut:

DEKLARATË PËR OPINION – LIDHJE ME AVAZIN E NJËJTË TË KERYESISË SË BIK-së MBI ZGJEDHJET E RADHËS

Nga tereni vinë lajme se edhe në këto të ashtuquajtura “zgjedhje” të BIK -së është mbyllur dera e kandidimit të ndonjë personi tjetër përveç të vetquajturit dhe të vet emëruarit myftiut aktual. Mandatin e tij të katërt ky “myfti” pretendon t’a vazhdojë edhe këtë herë ashtu si edhe herën e kaluar, mbi bazën e shkeljes së kushtetutës-statutit të brendshëm të cilën e kishte ndryshuar padrejtësishtë pas mandatit të dytë të tij në vitin 2013, duke organizuar edhe puç ndaj kryetarit të kuvendit.

Si rrjedhojë e gjithë kësaj, Sindikata e BI lutë dhe kërkon nga kjo strukturë e instaluar udhëheqëse e BIK-së që të hap derën e krijimit të një kryesie teknike, të përbërë nga një pjesë e gjerë e akterëve dhe punonjësve të BIK-së, deri në krijimin e rregullave dhe kushteve për zhvillimin e zgjedhjeve normale dhe transparente brenda këtij institucioni, të cilat i kanë munguar një kohë të gjatë.

Sindikata, edhe para vitit 2013 ka kërkuar publikisht që ne të riorganizohemi si institucion në të mirën dhe për të mirën e të gjithëve, mirëpo kërkesat e saj, as atëherë e as më vonë nuk janë marr në konsideratë, përkundrazi avazi i vjetër i të njëjtit lidership vetëm sa është thelluar.

Sindikata e BI-së nuk do të hjek dorë nga ngritja e zërit në këtë drejtim derisa në këtë institucion të ketë rend, rregulla dhe tranparencë të barabartë për të gjithë.

Ashtu siç të ashtuquajturat zgjedhje BIK-së të vitit 2013 Sinidikata i kishte shpallur jolegjitime, edhe këtë herë këto të quajtura zgjedhje për mandatin 2018-2023 i shpall jo legjitime dhe jo transparente sepse edhe tani këtë herë ato po zhvillohen mbi aktin e shkeljes e statutit- kushtetutes së BIK-së si dhe mbi kriteret e vjetra të trashiguara nga sistemi monist.

Prandaj si organizim sindikal apelojmë tek besimtarët tanë , imamët , e ne veçanti tek antarët e këshillave në nivele lokale, si dhe tek kryetarët e këshillave të BIK-së , që të perkrahin iniciativën e reformave administrativo juridike në institucionin tonë. Është momenti i fundit tu themi mjaft degradimeve dhe keqpërdorimeve në emër të fesë dhe institucionit të BIK-së nga ky grup i vogël i cili dekada me radhë i shfrytëzoi këto pozita, kryesisht per privilegje dhe interesa personale . Është përgjegjësi e juaja direkt historike nëse lejoni me vazhdimin e këtyre “zgjedhjeve ” të cilat padyshim se do të jenë në dëm të fesë në rend të parë dhe vendit dhe shoqërisë.

Loading...
Loading...
Loading...

Shiko poashtu

Shifra mjerimi! Shqiptarët paguhen 10 herë më pak sesa evropianë

Instituti i Statistikave INSTAT ka dalë në përfundimin që një orë pune në Shqipëri kushton …