Kryefaqja / LAJME / Pas tetë vitesh hasmëri, katër familjet drenicase shtrinë dorën e pajtimit

Pas tetë vitesh hasmëri, katër familjet drenicase shtrinë dorën e pajtimit

Pas tetë vitesh hasmëri, katër familjet nga Drenica kanë shtrirë dorën e pajtimit, duke i dhënë fund hasmërisë.

Në këtë akt fisnik e burror ka marrë pjesë edhe kryetari i Komunës së Skenderajt, Bekim Jashari.

Jashari është shprehur të jetë i nderuar që ishte dëshmitar i këtij akti, teksa ka thënë se këto veprime na kujtojnë edhe fillimin e pajtimit të gjaqeve nga i ndjeri Anton Çeta, 28 vite më parë.

Ky është shkrimi i Jasharit në llogarinë Facebook:

Një akt më fisnik dhe burrëror nuk ka mundur të bëhet ndryshe nga ai i sotmi me rastin e shtrirjes së dorës së pajtimit mes familjeve Hoti, Xani e Koca nga Polaci, dhe familjes Smajli nga Klina e Poshtme.

Isha i nderuar të jem i pranishëm ne aktin e përqafimit të burrave nga këto dy familje, pas 8 viteve në hasmëri, të cilat, nga sot lanë pas vete të gjitha të këqijat, dhe shfaqen bindje se si shqiptarë respektojmë tolerancën dhe traditën, e mbi të gjitha treguan se e duam paqen e mirëbesimin.

Kontribut të jashtëzakonshëm dhe me vetë iniciativë në pajtimin e këtyre katër familjeve, kanë dhënë: Zejnallah Prokshi, Murat Tahiri, Shyqeri Musliu e Shekip Fazliu.

Ky akt na kujton gjithashtu fillimin e pajtimit të gjaqeve nga i ndjeri Anton Çetta, 28 vite më parë.

Ta kuptojmë e mos ta harrojmë faktin se liria dhe lumturia e një kombi nuk mund të jenë të plota pa qenë i lumtur vet individi.

Ju familje të nderuara, qofshi faqebardhë!

Loading...
Loading...

Shiko poashtu

Letër e hapur nga Grupi i heronjëve të Kumanovës: “Do ta ndjekim Gruevskin, Mijallkovin dhe Ali Ahmetin deri në fund të botës! Ne nuk kemi ardhur as për para, e as për përfitime por për të realizuar qëllimin kombëtar dhe për shkak të mosrealizimit të Marrëveshjes së Ohrit.”

Grupi i Kumanovës, përmes familjarëve të tyre ka dërguar një reagim publik. Në këtë reagim …

Leave a Reply