Kryefaqja / LAJME / Letra e Trump për Vuçiq: Finalizojeni marrëveshjen gjithëpërfshirëse me Kosovën, në të kundërtën do t’i binit ekstremisht pishman

Letra e Trump për Vuçiq: Finalizojeni marrëveshjen gjithëpërfshirëse me Kosovën, në të kundërtën do t’i binit ekstremisht pishman

Më 18 dhjetor u bë e ditur se presidenti amerikan, Donald Trump, i dërgoi një letër presidentit të Kosovës, Hashim Thaçit.

Në letrën e Trump që mban datën e 14 dhjetorit, ky i fundit, ndër të tjera i kërkonte presidentit kosovar dhe liderëve të tjerë që të shfrytëzojnë këtë moment unik, që të flasin me një zë, me qëllim të arritjes së marrëveshjes gjithëpërfshirëse me Serbinë.

Një letër të ngjashme që mban po të njëjtën datë ka pranuar edhe homologu serb i Hashim Thaçit, Aleksandar Vuçiq.

Në këtë letër që Klan Kosova e ka siguruar ekskluzivisht ku po ashtu flitet për marrëveshjen finale Kosovë-Serbi theksohet se duhet të shfrytëzohet kjo mundësi unike.

“Ju inkurajoj të dyja palëve që të arrini një marrëveshje për normalizim të marrëdhënieve sa më shpejt që është e mundur dhe që të përmbaheni nga veprimet që e bëjnë akoma më të vështirë arritjen e kësaj marrëveshje. Një marrëdhënie paqësore dhe produktive mes Serbisë dhe Kosovës do të ishte një arritje historike për rajonin”, thuhet në këtë letër.

Letrën e plotë që presidenti amerikan Donald Trump ia ka dërguar presidentit serb, Aleksandar Vuçiq e gjeni më poshtë:

Ishte kënaqësi të ju takoja në Paris gjatë shënimit të Ditës së Armëpushimit. Shtetet e Bashkuara të Amerikës e vlerësojnë lidershipin tuaj, veçanërisht në sigurimin e normalizimit të plotë të marrëdhënieve me Kosovën.

Derisa po futeni në fazën finale të arritjes së një marrëveshje me Kosovën që do të sjellë paqen e kërkuar që sa kohë në rajon, ju inkurajoj që ta kapni momentin dhe ta ushtroni lidershipin tuaj politik që të merrni vendimet e duhura për të balancuar interesat e të dyja vendeve.

Do të ishte ekstremisht për keqardhje (do t’i binit pishman) nëse do ta humbisni këtë mundësi unike për paqe, siguri dhe rritje ekonomike.

Ju inkurajoj të dyja palëve që të arrini një marrëveshje për normalizim të marrëdhënieve sa më shpejt që është e mundur dhe që të përmbaheni nga veprimet që e bëjnë akoma më të vështirë arritjen e kësaj marrëveshje. Një marrëdhënie paqësore dhe produktive mes Serbisë dhe Kosovës do të ishte një arritje/moment historik për rajonin.

Shtetet e Bashkuara të Amerikës janë të gatshme që të japin ndihmën e tyre.

Një marrëveshje mes Serbisë dhe Kosovës mund të arrihet. Unë pres që në Shtëpinë e Bardhë t’ju mirëpres ju dhe Presidentin Hashim Thaçi, për të festuar atë që do jetë një marrëveshje historike.

Loading...
Loading...
Loading...

Shiko poashtu

Sot vendoset fati i Qeverisë së Zaevit, ja skenaret?

Partia më e madhe në pushtet LSDM sot në Ohër do të mbledh Këshillin Qendror …

Leave a Reply