Kryefaqja / LAJME / Djuric kërcënon: Do t’i përdorim të gjitha mënyrat për të futur prodhimet serbe në Kosovë

Djuric kërcënon: Do t’i përdorim të gjitha mënyrat për të futur prodhimet serbe në Kosovë

Drejtori i të ashtuquajturës, Zyre për Kosovë e Metohi, Marko Djuric, shprehu brengën e tij për siç e quan ai shtimin e presionit të Prishtinës ndaj serbëve në veri.


Marko Djuric  ka thënë se shqiptarët ditëve të fundit kanë ndërprerë vijat e furnizimit me prodhime esenciale ushqimore nga Serbia.  Ai në intervistën e sotme në televizionin serb TV Pink tha se kanë nisur të shfaqen mungesat e prodhimeve ushqimore në katër komunat  e veriut të Kosovës, ai theksoi se “Serbia do të gjejë mënyrën e dërgimit të mallrave për popullit tonë në krahinën jugore”.

Djuric gjeti kohët të thumbojë edhe opozitën serbe duke i fajësuar ata për vendosjen e doganës dhe policisë në pikat Jarinjë dhe Bërnjak pasi Borko Stefanovic e nënshkroi marrëveshjen më 2012 që mundësoi këtë. Ai shtoi se “ tash kjo polici kufitare po grabit kamionët me mallra e në Mitrovicë ka mungesa. Ne do të gjejmë mënyra që të fusim gjithë çka i duhet popullit tonë në Kosovë e Metohi, mos u mërzisni” tha Djuric. 

Ai përmendi se qeveria serbe ka në plan 108 projekte në Kosovë sipas idesë së Presidentit të Serbisë.

Ai u ankua përsëri për kritikat e padrejta të opozitës dhe përmendi përsëri sukseset sipas tij, ku më 2008 të gjithë e shihnin çështjen e Kosovës të mbyllur, ndërsa tani për shkak të punës së mirë, Serbia përsëri është në lojë.

Loading...
Loading...
Loading...

Shiko poashtu

Aktakuzë ndaj Xhavit Halitit dhe Gani Dreshajt për sulm dhe kanosje ndaj Arben Gashit

Si pasojë e një kontakti fizik që kishte ndodhur më 18 maj 2018 në Kuvendin …

Leave a Reply