Kryefaqja / LAJME / Kosova me reciprocitet të ri: Nuk njeh pasaportat e Serbisë, shumë serb kthehen prapa nga Aeroporti

Kosova me reciprocitet të ri: Nuk njeh pasaportat e Serbisë, shumë serb kthehen prapa nga Aeroporti

Ka një javë e më shumë që institucionet e Kosovës kanë vendosur masë reciproke ndaj Serbisë.

Bëhet fjalë për pasaportat e shtetasve serb, të cilët më nuk mund të udhëtojnë në Aeroportin Ndërkombëtar të Prishtinës.

Burime te sigurta kanë rrëfyer se asnjë qytetar serb nuk ka mundur të udhëtojë përmes Aeroportit Adem Jashari me pasaportë të Serbisë.

“Ka një vendim që pasaportat e Serbisë mos të njihen. Serbët mund të udhëtojnë përmes Aeroportit vetëm me letërnjoftime por kjo nuk mjafton. Ata përveç letërnjoftimit duhet të posedojnë edhe një leje qëndrimi në ndonjë vend të Bashkimit Evropian”, ka thënë.

I njëjti burim nuk ka mundur të precizoj se kush ka marrë një vendim të tillë nga institucionet e Kosovës, por që sipas tij ai po respektohet në plotni.

“Vendimi është në fuqi dhe serbët që nuk posedojnë ndonjë leje qëndrim nuk mund të udhëtojnë përmes Aeroportit Ndërkombëtar”, ka thënë burimi.

Media ka kontaktuar me zyrtarë për media të qeverisë në dorëheqje por që ata kanë thënë se për këtë duhet drejtuar Minsitrisë së Punëve të Jashtme.

Gazeta ka kontaktuar me këshilltarin Politik në MPJ Jetlir Zyberaj, por që ai ka thënë se nuk është në dijeni për një vendim të tillë.

“Ne si MPJ nuk kemi marrë një vendim të tillë por nëse është kështu thjesht një gjë e tillë parashihet edhe në marrëveshjen e Brukselit për lëvizje të lirë” ka thënë Zyberaj.

As në Ministrinë e Punëve të Brendshme nuk kane qenë në dijeni për një vendim ku serbët e Kosovës por edhe ata te Serbisë nuk mund të udhëtojnë me pasaporta përmes Aeroportit.

“Thjeshtë për këtë pyesni në MPJ” kanë thënë nga zyra per media e MPB-së

Media ka provuar të marrë një përgjigje edhe nga policia e Kosovës për këtë por që askush nga ta nuk kanë hapur telefonin.

Ndryshe Serbia nuk njeh pasaportat e as shtetin e Kosovës, e për të kaluar çdo pikë kufitare që lidh Kosovën me Serbinë qytetarët e Kosovës këtë duhet ta bëjnë vetëm me letërnjoftime.

Loading...
Loading...
Loading...

Shiko poashtu

Nimanbegu: “Jam i befasuar në mënyrë të pakëndshme ndaj paralajmërimit të padisë”, Shqiptarët në Mal të Zi janë autokton

Nënkryetari i Parlamentit të Malit të Zi dhe propozuesi i ndryshimit të ligjit për simbolet …

Leave a Reply